يلا ضبوا غراض السيران

أول شي كل عام وأنتو بخير بمناسبة حلول فصل الربيع الممهد لفصل الصيف وكلنا بسوريا منعرف ومتعودين أنو لما يجي الربيع لازن نفتتح الفصل (بسيران) لنتمتع بالأزهار وأكل العوجا والجانرك وخدق المي وهلم جر     وأول شي بيلزمنا بهالسيران هو   ولك أي ليش هيك عم تطلعوا هي دربكة وهي العنصر الأساسي بالسيران وبلاها ما بيحلى السهر ولا السيارين وياااااااااااما راحت معنا روحات ما مننساها وعلى يا قضامة مغبرة ويا يامو بدي بطيخة ومن هالاغاني الشعبية السورية وبيلزمنا بهالسيران كمان     اييييييييوا يا سلام عالبقدونس والفرم الناعم يا ناعم البقدونس يعني تبولة يعني جنبو صحن بطاطا وغمس وكول يا مشتهي (شطت ريالتي على سيرة الحمض والتبولة ولي على قلبي)   المهم وبيلزمنا كمان   اي هدول مناح وبيستروا صعي نسيت اشرح ل يلي ما بيعرف لشو هدول يا سيدي هدول منحطن حولين المسطبة الي بدنا ناخدها ومنحطن مشان ما ننكشف يوه بدنا ناخد راحتنا بشغل ونتفرفد ونشم شوية هوا يعني بالمختصر هدول منحطن متل جلايل ومنغطي المكان فيهن ومنحط وحدة عالأرض لنقعد عليها   المهم بيلزمنا كمان   لك ولي هي أهم عنصر وهي بتجي أهميتها بعد الدربكة بمرتبة وحدة يعني ما بتحلى القعدة أبدا" بلاها وياما عالم نسيانين المعسل او الفحم وبياخدو من الجيران يحرء حريشنا ما منبطل عادة العيرة هلق الأركية هي بيتقاتلوا عليها الكل وعلى فكرة هي عنصر أساسي ومعلم كمان لأنو لاحظو أنو بكل قعدة اركيلة بتلاقي العالم صافين عالدور وقاعدين ورا بعض كل واحد ناطر دورو   المهم بيلزمنا كمان أيييييييييييييييييون وسيلة النقل وهي باص سكانية (هيك منقلوا) وفي عالم بتطلع بالمكرو     وعلى فكرة أحلى شي بالسيران هو الطريق وكل شلة بتقعد مع بعضا وكلو فوق بعضو والغراض ملحوشين فوق بعضن والأولاد بين الرجلين ههههههههههههه   وبيلزمنا كمان     هي البطيخة بقا من لما نوصل عالسيران منحطا بالمي مشان تبرد واحلى شي بفصل صيف انو كل ما بدنا ندبح بطيخا بيجي حدى بيقول يا حظي من هالبطيخة وهو وحظو يا حمرا يا مصفرنة هههههههههههههههههههههه   وأما الغدى معروف انو الغدى بالسيران هو المشاوي     وفي عالم بتاكل المشاوي من سيخ فورا" قال أطيب !!     هاد مختصر عن السيران السوري (الشامي ) يلي اغلب عائلات سوريا بتعمل منو بفصل الربيع  وطول فصل الصيف أما الغربتلية يلي متلي نحنا منحاول نعوض حالنا عن هالسيران ومنروح على شي بارك ومنعمل نفس طقوس مع تحياتي الشامية

---

Hotmail: Trusted email with Microsoft's powerful SPAM protection. Sign up now.